Manuslokking: Boksamlingas forteljingar

[Siri Beate Gjerde]

​​Manuslokking: Boksamlingas forteljingar

​Seminar i Aasentunet i Ørsta, 17.–18. oktober 2024​



Nynorsk kultursentrum, musea for skriftkultur, vil med dette invitere bidragsytarar for å skape ein møteplass for erfarings- og kunnskapsutveksling rundt arbeid med og forsking på boksamlingar danna av enkeltpersonar eller organisasjonar. Vi inviterer difor til seminaret «Boksamlingas forteljingar: Kva kan vi lære av ei boksamling» i Aasentunet i Ørsta 17.–18. oktober 2024.  

 

På seminaret vil vi diskutere kva boksamlingane til forfattarar og kunstnarar kan fortelje oss, og korleis vi som forskarar og institusjonar kan formidle dette vidare til lesarar og museumsgjester. Vi ønskjer munnlege bidrag på inntil 30 minutt om tema som:  

  *   Korleis kan ein forske på ei boksamling?   

  *   Kva kan boksamlinga fortelje oss om eigaren og samfunnet ho eller han levde i?      

  *   Kva lærer ulike fagpersonar som språkforskarar, litteraturvitarar, historikarar og muselogar når dei studerer ei boksamling?  

  *   Kva kan studiar av boksamlingar tilføre av ny kunnskap?     

  *   Marginalia: Spor etter lesnad og eigarskap i boksamlingar  

  *   Kva fortel samlinga som samling?   

  *   Boksamlingas funksjon i utstilling, museum, arkiv og diktarheim  

 

Seminaret passar både for dei som har arbeidd mykje med slike, eller som har boksamlingar som ikkje har vore arbeidd like mykje med. Vi ønskjer bidrag som kastar lys over boksamlingar som i dag er i eige eller bevaring hjå institusjonar i både UH- og ABM-sektoren. 

 

Send forslag i form av eit samandrag på inntil 300 ord til stine.hovdenakk at nynorsk.no<mailto:stine.hovdenakk at nynorsk.no> og stina.aasen.lodemel at nynorsk.no<mailto:stina.aasen.lodemel at nynorsk.no> innan 5. april 2024.  

 

Deltakarane på seminaret får dekka lunsj begge dagane. Ingen seminaravgift.  

 

Seminaret er arrangert av Nynorsk kultursentrum, musea for skriftkultur. 

Kontaktpersonar for seminaret er Stine Stennes Hovdenakk, konservator, og Stina Aasen Lødemel, spesialrådgivar.   





Beste helsing



Siri Beate Gjerde

bibliotekar



Indrehovdevegen 176, 6160 Hovdebygda

Telefon 70 04 75 83

nynorsk.no<https://www.nynorsk.no/>

[cid:57e15cde-e3db-4ee5-8595-fc61f012b6f1]










-------------- next part --------------
An HTML attachment was scrubbed...
URL: <https://mailman.kunnskapsallmenning.no/pipermail/biblioteknorge/attachments/20240320/ff5734f0/attachment-0001.htm>
-------------- next part --------------
A non-text attachment was scrubbed...
Name: Outlook-1wjdv04w.png
Type: image/png
Size: 5887 bytes
Desc: Outlook-1wjdv04w.png
URL: <https://mailman.kunnskapsallmenning.no/pipermail/biblioteknorge/attachments/20240320/ff5734f0/attachment-0001.png>